نواز شریف کو پاک فوج اور عدلیہ نہیں اس ملک کی قوم پاکستان سے باہر نکال پھینکے گی، پاک فوج کے خلاف محاذ کھولنا ایک بین الاقوامی سازش ہے ، جمشید دستی کا دعویٰ
اسلام آباد(نیوز ڈیسک)عوامی راج پارٹی کے سربراہ جمشید دستی نے کہا ہے کہ نواز شریف کو پاک فوج اور عدلیہ نہیں اس ملک کی قوم پاکستان سے باہر نکال پھینکے گی، پاک فوج کے خلاف محاذ کھولنا ایک بین الاقوامی سازش ہے جس کا نواز شریف حصہ ہیں، آئندہ انتخابات میں مسلم لیگ(ن) اور نواز شریف کا کوئی مستقبل نہیں ہے، خوشی ہے کہ 6سال بعد پاکستان سعودی عرب کے ساتھ رمضان کا آغاز کر رہا ہے اور میری خواہش ہے کہ ہم عید بھی سعودی عرب کے ساتھ منائیں، اداروں کے مابین محاذ آرائی کے ذمہ دار نواز شریف اور
مسلم لیگ(ن) ہے۔وہ جمعرات کو پارلیمنٹ ہاؤس کے بایر میڈیا سے گفتگو کر رہے تھے۔ انہوں نے کہا کہ اگر ہم لوگ سچ بولتے تو آج ہمارا یہ حال نہ ہوتا۔ پاکستان کا المیہ ہے کہ اس ملک کے سیاستدان بھی جھوٹ بولتے ہیں اور پارلیمنٹ کے اندر آکر بھی جھوٹ بولنے سے بھی گریز نہیں کرتے۔ مجھے خوشی ہے کہ 6سال بعد پاکستان سعودی عرب کے ساتھ رمضان کا آغاز کر رہا ہے اور میری خواہش ہے کہ ہم عید بھی سعودی عرب کے ساتھ منائیں۔ پاکستان میں جو اداروں کے مابین اداروں کے درمیان محاذ آرائی ہے اس کے ذمہ دار نواز شریف اور مسلم لیگ(ن) ہے۔ نواز شریف ہی ہے جو مودی کیاپنی شادیوں پر بلاتا ہے اور ان کو ساڑھیوں کے تحفے بھیجتا ہے۔ نواز شریف نے اپنے لیے خود گڑھے کھودے اور اب سویل کر رہے ہیں کہ مجھے کیوں نکالا۔ بارڈر پر پاکستانی فوج بڑی جنگ لڑ رہی اور روز اپنی جانوں کے نذرانے پیش کر رہی ہے۔ پاک فوج کے خلاف محاف کھولنا ایک بین الاقوامی سازش ہے جس کا نواز شریف حصہ ہیں۔ نواز شریف اگر اپنی فوج کے خوش کا سودا کرے تو ہم ایسا نہیں ہونے دیں گے۔ انہوں نے کوشش کی کہ پاکستانی فوج کا بجٹ کم کیا جائے جس میں وہ بری طرح ناکام رہے۔ مسلم لیگ(ن) 5سال میں عوام کے مسائل حل نہیں کر سکی۔ نواز شریف کو پاک فوج اور عدلیہ نہیں اس ملک کی قوم پاکستان سے باہر نکال پھینکے گی۔ آئندہ انتخابات میں مسلم لیگ(ن) اور نواز شریف کا کوئی مستقبل نہیں ہے۔ عوام اب جاگ چکے ہیں اور وہ نواز شریف کے مکروہ عزائم سے با خبر ہیں نواز شریف کی اداروں کو بدنام کرنے کو کوشش ناکام ہوگی۔
