بھارتی یوم آزادی پر مقبوضہ کشمیر میں یوم سیاہ
سری نگر: مقبوضہ کشمیر میں بھارت کے یوم آزادی کو یوم سیاہ کے طور پر منایا جارہا ہے۔
کشمیری عوام نے گزشتہ روز 14 اگست کو پاکستان کا 71 واں یوم آزادی پورے جوش و خروش سے منایا جب کہ آج بھارت کا 71 ویں یوم آزادی یوم سیاہ کے طور پر منایا جارہا ہے۔ حریت کانفرنس کی اپیل آج پوری وادی میں عام ہڑتال ہے اور تمام دکانیں اور دفاتر بند ہیں۔
https://twitter.com/Kashmir_rise/status/1029295273002950656
مودی سرکاری نے احتجاجی مظاہرے روکنے کے لیے سخت پابندیاں نافذ کر رکھی ہیں اور سیکورٹی فورسز کی بھاری نفری تعینات ہے۔ لوگوں کو رابطوں سے روکنے کےلیے وادی میں انٹرنیٹ اور موبائل فون سروس بھی معطل کردی گئی ہے۔ ان سب اقدامات کے نتیجے میں مقبوضہ کشمیر میں ایک طرح کی کرفیو جیسی صورت حال ہے جب کہ سڑکوں پر سناٹے کا راج ہے۔
https://twitter.com/ShakilMadiha/status/1029304096312967168
گزشتہ روز بھی کشمیری عوام بھارت کی تمام تر پابندیوں کو توڑتے ہوئے گھروں سے باہر نکل آئے اور اپنی جان پر کھیل کر پاکستان کا یوم آزادی منایا۔
کشمیری عوام کی آواز کو کچلنے اور دنیا کو وہاں کے اصل حالات سے بے خبر رکھنے کی بھارت کی تمام تر کوششیں ناکامی سے دوچار ہوئیں۔ کشمیریوں نے سبز ہلالی پرچل لہرانے اور ترانے پڑھنے کی وڈیوز بھی سوشل میڈیا پر نشر کردیں۔
https://twitter.com/ShakilMadiha/status/1029314410437926912
حریت رہنماؤں نے یک زبان ہوکر کہا ہے کہ بھارت کو مقبوضہ کشمیر میں یوم آزادی منانے کا کوئی حق حاصل نہیں جہاں اس نے جبری قبضہ کیا ہوا ہے اور بندوق کی نوک پر انسانوں کو غلام بنا رکھا ہے۔
