جیکب آباد کے مایہ ناز ٹھیکیدار کو مشیر بننے کا شوق گلے پڑ گیا اکاؤنٹ میں بھیجے گئے 5کروڑ سے بھانڈہ پھوٹ گیا نہ پیسے واپس ملے نہ مشیر بنا انکوئری الگ شروع ہو گئی تفصیلات کے مطابق سمٹ بنک اسکینڈل میں جیکب آباد کے ایک مایہ ناز ٹھیکیدار کا نام بھی سامنے آیا ہے جاری کردہ فہرست میں شیر محمد مغیری کا نام بھی شامل ہے جس نے اس اکاؤنٹ میں 5کروڑ جمع کرائے ہیں ذرائع کے مطابق جیکب آباد کے مایہ ناز ٹھیکیدار کو صوبائی مشیر بننے کا شوق تھا جو اب انکے گلے پڑ گیا
ہے معلوم ہوا ہے کہ صوبائی مشیر بننے کے لئے 8کروڑ میں معاملات طے ہوئے تھے جس کے تحت ٹھیکیدار نے پہلی قسط کے طور پر 5کروڑ جمع کرائے باقی 3کروڑ کام ہونے کے بعد ادا کئے جانے تھے پر ٹھیکیدار کو نہ مشیر بنا یا گیا اور نہ ہی جمع کی گئی رقم واپس کی گئی جس پر ٹھیکیدار سخت ناراض بتائے جاتے ہیں اس حوالے سے ٹھیکیدار محمد شیر محمد مغیری سے رابطہ کرنے کی کوشش کی گئی لیکن ان سے رابطہ نہ ہو سکا اس حوالے سے انکے قریبی مینیجر نے بتایا کہ صاحب گرمیوں کی چھٹیاں منانے ملک سے باہر گئے ہوئے ہیں